Ойдолэ тодматском!
Давайте познакомимся!

Катя: Ӟечесь! Мон удмурт. Мынам нимы Катя. Мон студент. Мон дышетскисько Удмурт кун университетын. Вераськисько удмурт, ӟуч но англи кылъёсын. Тодӥсько бигер кылэз. Дышетӥсько биологиез. Али улӥсько огъяулонниын (общежитиын), Димитров урамын.

Здравствуйте! Я удмуртка. Меня зовут Катя. Я студентка. Я учусь в Удмуртском государственном университете. Говорю на удмуртском, русском и английском языках. Знаю татарский язык. Изучаю биологию. Сейчас живу в общежитии на улице Димитрова.

Вика: Ӟеч! Мон Вика. Мон но студент. Мон дышетскисько университетын филологи факультетын. Мон вераськисько ӟуч кылын но англи кылын. Али дышетӥсько удмурт кылэз. Мон улӥсько Ижкарын Петрова урамын.

Здравствуй! Я Вика. Я тоже студентка. Я учусь в университете на филологическом факультете. Я говорю на русском языке и английском языке. Сейчас изучаю удмуртский язык. Я живу в Ижевске на улице Петрова.

Лади: Умой! Мынам нимы Лади. Мон удмурт. Мон гожъяськись. Мон трос лыдӟиськисько но гожъяськисько. Мон «Ӝыт куараос» газетын ужасько. Вераськисько пöртэм кылъёсын. Умой вераськисько удмурт, ӟуч, венгер, англи кылъёсын. Кöня ке вераськисько эстон кылын, немец кылын. Улӥсько Ижкарын, Петров нимо ульчаын.

Привет! Меня зовут Володя (буквально: Моё имя Володя). Я удмурт. Я писатель. Я много читаю и пишу. Я работаю в газете «Вечерние голоса». Говорю на разных языках. Хорошо разговариваю на удмуртском, русском, венгерском, английском языках. Немного говорю на эстонском языке и немецком языке. Живу в Ижевске на улице (имени) Петрова.

Ольга Петровна: Умоесь! Нош мон дышетӥсь. Монэ Ольга Петровна шуо. Мон удмурт. Мон вераськисько удмурт, ӟуч, финн но коми кылын. Ужасько мон Удмурт университетын удмурт кылосбур факультетын. Дышетӥсько студентъёсты удмурт но коми кыллы. Улӥсько Ижкар сьӧрын, Якшурын.

Здравствуйте! А я преподаватель. Меня зовут Ольга Петровна. Я удмуртка. Я говорю на удмуртском, русском, финском и коми языках. Работаю я в Удмуртском университете на факультете удмуртской филологии. Учу студентов удмуртскому и коми языку. Живу за Ижевском, в Якшуре.

Библиотека

Онлайн занятие №1, 3 марта 2017 в 17-00

Вход на вебинар по ссылке https://events.webinar.ru/1114185/316023  

Лади: Никита, тон вераськиськод-а англи кылын?

Никита, ты разговариваешь на английском языке?

Никита: Уг. Мон уг быгатӥськы вераськыны англи кылын.

Нет. Я не могу разговаривать на английском языке.

Лади: Кыӵе кылэз тон али дышетӥськод?

Какой язык ты сейчас изучаешь?

Никита: Француз кылэз.

Французский язык.

Вика: Ӟечесь! Лыдӟиськонние-а мынӥськоды?

Здравствуйте! В библиотеку идёте?

Никита: Ум. Ми киное мынӥськом.

Нет. Мы в кино идём.

Вика: Кыӵе кинотеатре мынӥськоды?

В какой кинотеатр идёте?

Никита: «Дружбае».

В «Дружбу».

Онлайн-занятие №2 состоится 10 марта, в пятницу, в 18-00.

Вход на вебинар по ссылке: https://events.webinar.ru/1114185/324175

Библиотека

Катя: Мартин, тон пöйшур нимъёсты тодӥськод-а ини?

Мартин, ты уже знаешь названия зверей?

Мартин: Бен, мон тодӥсько ини, кин со кионъёс, гондыръёс, лудкечъёс, ӟичыос, коньыос но балянъёс…

Да, я уже знаю, кто такие волки, медведи, зайцы, лисы, белки, рыси…

Вика: Нош Ижкарысь маймылъёсты, арысланъёсты, кыйёсты адӟылӥд-а?

А в Ижевске видел обезьян, львов, змей?

Мартин: Соос татын уло шат?

Они здесь разве живут?

Катя: Ми Викаен соосты толон адӟим.

Мы с Викой их вчера видели.

Мартин: Мар? Серекъяськоды-а мар-а?

Что? Смеёшься что ли?

Вика: Эшшо мон тодӥсько на тöдьы гондыръёсты, койыкъёсты но пичи черепахаез.

Еще я знаю белых медведей, лосей и маленькую черепаху.

Катя: Соос ваньзы зоопаркын уло!

Они все живут в зоопарке!

Мартин: Табере валамон! Мон но малпасько отчы ветлыны. Тани ялонъёсын гожто, пе, зоопаркысь, адӟыны луэ пöртэм тылобурдоосты но коӵышъёсты. Туннэ ик Ладилы жингыртӥськом но, ӵуказе ик мынӥськом!

Теперь понятно! Я тоже думаю туда сходить. Вот в объявлениях пишут, мол в зоопарке можно увидеть разных птиц и кошек. Сегодня же позвоним Володе, и завтра же пойдем!

Вика: Нош кыӵе пудо-животъёсты тон тодӥськод ини?

А каких животных ты знаешь уже?

Мартин: Мон тодӥсько…

Я знаю…

Урок №3 состоится 20 марта 2017 г. в 18-30. Вход на вебинар по ссылке

https://events.webinar.ru/1114185/340287

Библиотека

Лади: Вика, привет! Тон толон кытын вал?

Вика, привет! Ты вчера где была?

Вика: Чырткем! Толон мон киноын вал. Туннэ театре мынӥсько. Тон монэн ӵош мынод-а?

Здравствуй! Вчера я была в кино. Сегодня иду в театр. Ты вместе со мной пойдёшь?

Лади: Кыӵе спектакле мынӥськод?

На какой спектакль идёшь?

Вика: Туннэ отын «Ой, чебер нылъёс!» крезьгуро комедия.

Сегодня там музыкальная комедия «Ой, чебер нылъёс!» («Ах, красивые девушки (девушки-красавицы)!»).

Лади: Нош ӵукна кытын вал?

А утром где была?

Вика: Вузаськонниын.

В магазине.

Лади: Али нош кытчы мынӥськод?

А сейчас куда идешь?

Вика: Музее. Отын тунсыко адӟытон усьтӥське.

В музей. Там интересная выставка открывается

Библиотека

Онлайн-урок состоится 23 марта 2017 г., в четверг, в 18-30.

Вход на вебинар по ссылке

https://events.webinar.ru/1114185/348043

Никита: Ой, Вика, ма со тынад сыӵе, туспуктэмъёс-а?

Ой, Вика, что это у тебя такое, фотографии?

Вика: Бен, али лэсьтӥ, анаелэн вордӥськем нуналэз вал. Тани та анае, Вера Васильевна. Солы туэ витьтон тырмиз.

Да, сейчас сделала, у моей мамы был день рождения. Вот это моя мама, Вера Васильевна. Ей в этом году исполнилось пятьдесят.

Никита: Зэм-а? Туж егит адӟиське, ньыльдон сяна уд сёты. Нош таиз апаед-а?

Правда? Очень молодо выглядит, больше сорока не дашь. А это твоя старшая сестра?

Вика: О-о. Таиз Лена апае, нош таиз солэн картэз но пичи нылзы.

Да. Это моя старшая сестра Лена, а это её муж и их маленькая дочь.

Никита: Нылзы тыныд кельше.

Их дочь похожа на тебя.

Вика: Зэмзэ но, ваньзы озьы шуо.

И правда, все так говорят.

Никита: Нош таиз кин? Малы ке мон уг тодмаськы.

А это кто? Почему-то я не узнаю.

Вика: Та милям Кузонысь ӵыжы-выжымы, анаелэн ӵужодӥгез, Света апай, нош таиз солэн пиез Владик. Владик али Москваын юристлы дышетске.

Это наша рордственница из Казани, двоюродная сестра мамы, тетя Света, а это её сын Владик. Владик сейчас в Москве учится на юриста.

Никита: Нош тынад выныд татын öвöл-а мар-а?

А твоего младшего брата разве здесь нет?

Вика: Ӧвöл, со соку Новосибирске ветлӥз, конференцие.

Нет, он тогда ездил в Новосибирск, на конференцию.

Никита: Бадӟым тӥляд семьяды.

Большая у вас семья.

Вика: Бен. Нош тынад семьяед бадӟым-а?

Да. А у тебя семья большая?

Никита: Öвöл. Семьяям куинь мурт: анай, атай но мон. А песянаед тынад вань-а?

Нет. В моей семье три человека: мама, папа и я. А бабушка у тебя есть?

Вика: Бен. Но со ми бордын уг улы. Артысь гуртын. Нош тынад песянаед яке ӵужанаед вань-а?

Да. Но она с нами не живет. В ближайшей деревне. А у тебя есть бабушки?

Никита: Мынам öвöл. Соос кулӥзы ни.

У меня нет. Они уже умерли.

Вика: Жаль.

Жаль.

Онлайн-урок состоится 27 марта 2017 г., в понедельник, в 18-30.

Вход на вебинар по ссылке

https://events.webinar.ru/1114185/352529

Библиотека

Ольга Петровна: Ӟечбур, Мартин! Кыӵе ни ужъёсыд?

Здравствуй, Мартин! Как у тебя дела?

Мартин: Ӟечбуресь! Ваньмыз умой!

Здравствуйте! Все хорошо!

Ольга Петровна: Дышид ни-а Ижкарлы? Кельше-а татын?

Привык уже к Ижевску? Нравится здесь?

Мартин: Бен, тау! Татын туж чебересь интыос но тунсыкоесь адямиос.

Да, спасибо! Здесь очень красивые места и интересные люди.

Ольга Петровна: Кытчы вуылӥд ини?

Куда уже съездил?

Мартин: Алигес Катяен но Ладиен Брангуртэ ветлӥмы, песянайёсын тодматскимы, удмурт кылын вераськимы. Милемлы туж кельшиз гурт но, песянайёс но.

Недавно с Катей и Володей ездили в Бураново, познакомились с бабушками, разговаривали на удмуртскома. Нам очень понравились и деревня, и бабушки.

Ольга Петровна: Туж усто. Эшшо кытын вал на тон?

Очень хорошо. Еще где ты побывал?

Мартин: Нылъёс мыным Лудорвае ветлыны дэмлазы вал. Отчы Коляен тулыс ветлӥмы. Колялы туж кельшизы вашкала арбериос, нош мыным вуко. Трос туспуктэмъёс лэсьтӥмы, одно ик тӥлед возьматомы.

Девушки предложили мне съездить в Лудорвай. Туда мы съездили весной. Коле очень понравились страринные вещи, а мне мельница. Сделали много фотографий, обязательно покажем вам.

Ольга Петровна: Туж шумпотӥсько. Нош та шутэтскон нуналъёсы кытчы ветлэмед потэ?

Очень рад. А в эти выходные куда хочешь поехать?

Мартин: Ладилэн Байгурезе мынэмез потэ кадь. Отын туж чебересь интыос, пе. Мон но мыно, дыр.

Володе хочется поехать на Байгурезь. Говорят, там очень красивые места. Я, наверное, тоже поеду.

Ольга Петровна: Зэмзэ но, тыныд отчы одно ик ветлыны кулэ.

Действительно, тебе обязательно нужно туда съездить.

Онлайн-урок №6 состоится 3 апреля, в понедельник, в 18-30.

https://events.webinar.ru/1114185/367933

Библиотека

1.

Катя: Уж дурад туннэ мынӥськод-а?

Идёшь сегодня на работу?

Лади: Уг. Мар ке но йыры висе, ньылонэ бычатэ.

Нет. Что-то голова болит, горло першит.

Катя: Кытын ке но кынмид, луоз.

Где-то простудился, наверное.

Лади: Толон тымет дурын тöл азьын пуким. Кезьыт но öй вал кадь. Кынмемме ик öй вала.

Вчера сидели у пруда на ветру. Вроде, и холодно не было. Не понял, как простудился.

Катя: Тыныд эмъясь доры мыныны кулэ.

Тебе нужно идти к врачу.

Лади: Бен. Нырысь жингыртоно луоз.

Да, сначала нужно позвонить.

2.

Лади: Ӟечбуресь!

Здравствуйте!

Эмъясь: Ӟечбуресь!

Здравствуйте!

Лади: Эмъясь доры гожтӥськыны луоз-а?

Можно записаться к врачу?

Эмъясь: Бен. 11 часлы тӥлед тупалоз-а?

Да. Вам подойдет к 11 часам?

Лади: Тупалоз.

Подойдет.

Эмъясь: Эмъясьты Стерхова. Нырысь регистратураысь басьтоно талон, собере мынӥськоды 19-тӥ кабинетэ.

Ваш врач Стерхова. Сначала в регистратуре нужно взять талон, затем идете в 19 кабинет.

Лади: Ярам. Ӟеч луэ!

Хорошо. До свидания!

Эмъясь: Ӟеч луэ!

До свидания!

Онлайн-урок №7 состоится 6 апреля 2017 г. в 18-30.

Вход на вебинар по ссылке

https://events.webinar.ru/1114185/373345

Библиотека

Катя: Урок бере доре бертод-а?

После урока домой пойдёшь?

Никита: Уг. Мон бассейнэ мыно. Туннэ пуксён ук. Пуксёнэ мон уяны ветлӥсько. Тон мон сьöры уд мыны-а?

Нет. Я пойду в бассейн. Сегодня же вторник. Во вторник я хожу плавать. Ты не пойдешь со мной?

Катя: Мыно. Нырысь Катя доры огъяулонние ветло. Та секыт сумкаме кельто. Тон монэ возьмалод-а?

Пойду. Сначала схожу к Кате в общежитие. Оставлю эту тяжелую сумку. Ты меня подождешь?

Никита: Мон сиськонние ветло на. Сиськеме потэ. Кöты тыбырам вуэ ни. Бассейн азьын трос сиськыны уг ке но яра, кöня ке куртчисько.

Я еще в столовую схожу. Хочу поесть. Живот уже к спине прилипнет. Хоть до бассейна и нельзя много есть, немного перекушу.

Катя: Ярам. Вераським. Мон соку сиськонние пыро.

Хорошо. Договорились. Я тогда зайду в столовую.

Онлайн-урок №8 состоится 18 апреля, во вторник, в 18-30.

Вход на вебинар по ссылке

https://events.webinar.ru/1114185/391693

Библиотека

Лади: Ӟечбур, Никита! Кылӥд-а, Катя толшоре каникулъёс дыръя Санкт-Петербурге кошкоз. Вить нунал отын улоз.

Здравствуй, Никита! Ты слышал, Катя в январе во время каникул поедет в Санкт-Петербург. Пробудет там пять дней.

Никита: Зэм-а? Нош мар со отын кароз?

Правда? А чем она там будет заниматься?

Лади: Петербургын студентъёслэн конференцизы луоз, пе. Катя отын удмурт кыл сярысь доклад лыдӟоз, удмурт кылъя урок возьматоз, выль адямиосын тодматскоз.

Говорят, в Петербурге будет студенческая конференция. Катя там сделает доклад об удмуртском языке, покажет урок по удмуртскому языку, познакомится с новыми людьми.

Никита: Со огназ-а мыноз?

Она одна поедет?

Лади: Мон кылӥ, юридик факультетысь нылъёс но мынозы на шуыса.

Я слышал, что поедут еще девушки с юридического факультета.

Никита: Вот шудпуйыос! Адӟозы Эрмитажез, ветлозы музейёсы, вуылозы Петергофе, туспуктэмъёс лэсьтозы! Жаль, фонтанъёс уз ужалэ но югыт уйёс уз луэ! Вика нош уз мыны-а?

Вот счастливчики! Увидят Эрмитаж, посетят музеи, съездят в Петергоф, сделают фотографии! Жаль, фонтаны не будут работать и белых ночей не будет! А Вика не поедет?

Лади: Вика французъёсын пумиськылоз. Толшоре француз студентъёс татчы фольклор фестивале лыктозы. Вика но француз кылын вераськоз.

Вика будет встречаться с французами. В январе французские студенты приедут сюда на фольклорный фестиваль. И Вика будет разговаривать на французском языке.

Никита: Нош мон каникулъёс дыръя Можгаын шутэтско, нокытчы но уг мыны. Оло, асьмеос но кытчы ке ветломы?

А я во время каникул буду отдыхать в Можге, никуда не поеду. Может быть, и мы куда-нибудь съездим?

Лади: Мон одӥг арня песянае дорын уло, собере Ижкаре берытско. Со дыре куасэн ветлыны быгатомы. Конькиен нискыланы но луоз.

Я одну неделю побуду у бабушки, затем вернусь в Ижевск. В это время можем походить на лыжах. Можно и на коньках покататься.

Никита: Зэмзэ но, туж умой луоз. Я, мон кошки.

Действительно, будет здорово. Ну, я пошел.

Лади: Кытчы тон али мынод?

Куда ты сейчас пойдешь?

Никита: Выль куас но шуныт пöзь басьто!

Покупать новые лыжи и теплые варежки!

Онлайн-урок №9 состоится 20 апреля, в четверг, в 18-30.

Вход на вебинар по ссылке

https://events.webinar.ru/1114185/398127

Библиотека

Вика: Мар?

Что?

Лади: Кылзы, Катя книгазэ басьтымтэ, сиськонние кельтэм. Кытчы поном?

Слушай, Катя, оказывается, не забрала свою книгу, оставила в столовой. Куда положить?

Вика: Тон мыным вай. Мон туннэ ӝыт Катя доры мыныны малпасько. Соку ик нуо.

Ты мне принеси. Сегодня вечером я собираюсь пойти к Кате. Тогда же и отнесу.

Лади: Ярам. Нош тон кытын?

Хорошо. А ты где?

Вика: Мон 210-тӥ аудиториын пукисько.

Я сижу в 210-ой аудитории.

Лади: Возьма монэ.

Дождись меня.

Вика: Мон кема пуко на.

Я еще долго буду сидеть.

Лади: Ярам, вить минутскын вуо.

Хорошо, буду в течение пяти минут.

Урок №10 состоится 24 апреля, в понедельник, в 18-30.

Вход на вебинар по ссылке 

https://events.webinar.ru/1114185/404239

Библиотека

Лади: Мартин, ӟечбур! Тон толон кытын вал? Ми Катяен тонэ час но ӝыны пала возьмамы ЦУМ дорын. Вераськимы вал ук тыныд шуныт пыдкутчан басьтыны, вунэтӥд-а мар-а?

Мартин, здравствуй! Ты где был вчера? Мы с Катей тебя около полутора часов ждали у ЦУМ-а. Договаривались же купить тебе теплую обувь, забыл, что ли?

Катя: Яке тон кыӵе ке но чебер нылашен тодматскид но солы синмаськид?

Или ты познакомился с какой-то красивой девушкой и влюбился в нее?

Мартин: Ой, вождэс эн вае. Мон толон Ижкаре йыромылӥ.

Ой, извините. Я вчера в Ижевске заблудился.

Лади: Йыромылӥд? Кызьы озьы? Ижкар нюлэс öвöл ук!

Заблудился? Как так? Ижевск же не лес!

Мартин: Вика мыным куд-ог книгаоссэ сёто шуиз вал, нош ачиз толон дораз пичи сузэреныз пукиз. Светазы висе, пе. Мыным со книгаос туж кулэ вал, ӵукна ик Викалы жингыртӥ но, со монэ дораз öтиз. Валэктӥз, университет дорысен 24-тӥ яке 27-тӥ автобусэн мыноно шуыса. Укмысэтӥ дугдылонниын автобусысь васькыны косӥз. Вика вераз, кыӵе солэн коркаез.

Вика обещала мне дать кое-какие книги, а сама вчера сидела дома с маленькой сестренкой. Света заболела. А мне эти книги были очень нужны, еще утром позвонил Вике, и она пригласила меня к себе. Объяснила, что от университета нужно ехать на 24-м или 27-м автобусе. Велела сойти с автобуса на девятой остановке. Вика описала, какой ее дом.

Катя: Вика дугдылонни дорын ик улэ, корказэ öд шедьты-а мар-а?

Вика живет рядом с остановкой, разве не нашел ее дом?

Мартин: Эн дырты, Катя. Тани кызьы луиз. Мон университетысь потӥ, автобусэ пукси но лыдъяны кутски, кöня пол автобус дугдылӥз. Кема мынӥ. Я, вуи кадь. Автобусысь васьки, нош сыӵе коркаез öй адӟы. Малпай, вазьгес автобусысь потӥ, дыр, шуыса. Урам кузя азьлань кошки. Татын но сыӵе коркаос öй вал. Тӥни соку ик адӟи, та Клубной урам шуыса.

Не торопись, Катя. Вот как было. Я вышел из университета, сел в автобус и начал считать, сколько раз останавливался автобус. Долго ехал. Ну, вроде доехал. Сошел с автобуса, а такого дома не увидел. Подумал, что раньше, наверное, вышел из автобуса. Пошел по улице вперед. И здесь таких домов не было. Вот тогда и увидел, что это улица Клубная.

Лади: Ха-ха, Вика Петрова урамын улэ ук! Тон, Мартин, мукет пала мынэмед ук! Сюресэз выжыны кулэ вал. Тон янгышен Строителе кошкид.

Ха-ха, Вика же проживает на улице Петрова! Ты, Мартин, оказывается, поехал в другом направлении! Нужно было перейти дорогу. Ты по ошибке уехал в Строитель.

Мартин: Озьы. Нош мон нырысь кема малпаськи, кытчы мыноно шуыса. Собере француз кылын но англи кылын егит нылъёслэсь юай, кытын Петрова урам. Соос валэктӥзы, кызьы Петрова урамозь мыноно.

Действительно. А я сначала долго думал, куда идти. Затем на французском и английском языках расспросил у молодых девушек, где улица Петрова. Они объяснили, как добраться до улицы Петрова.

Лади: Нош малы öд жингырты Катялы яке Викалы, яке мыным?

А почему не позвонил Кате, Вике или мне?

Мартин: Мон толон телефонме ӝöк вылэ кельтӥськем. Соин ик жингыртыны öй быгаты, тӥ но монэ кема возьмады, пыдкутчан но öй басьты.

Оказывается, я вчера позабыл свой телефон на столе. Поэтому не мог позвонить, и вы меня долго ждали, и обувь не купили.

Катя: Со понна чебер нылъёсын тодматскид!

Зато ты познакомился с красивыми девушками!

Онлайн-урок №11 состоится 27 апреля, в четверг, в 18-30.

Вход на вебинар по ссылке

https://events.webinar.ru/1114185/410221

Библиотека

Лади: Мынысал-а улыны Муское?

Ты бы поехала жить в Москву?

Катя: Öй. Отын укыр трос адямиез но машинаез. Акыльтӥсько трос адямиослэсь но машинаослэсь.

Нет. Там слишком много людей и машин. Устаю от большого количества людей и машин.

Лади: Мон мынысал. Отын уж шедьтыны но луонлыкъёс тросгес. Собере уждун но бадӟым басьто Мускоын.

А я бы поехал. Там больше возможностей найти работу. Да и зарплату большую получают в Москве.

Катя: Уждунэз но кулэ öвöл. Мыным чалмыт мед луоз.

И зарплата не нужна. Пусть будет тишина.

Лади: Тодмо адямиосты но адӟемед уг поты-а?

И знаменитых людей не хочешь увидеть?

Катя: Уг. Мон соосты телевизорысь котькуд нунал адӟыны быгатӥсько.

Нет. Я могу их видеть каждый день по телевизору.

Лади: Ну тон паймымон адями. Нош кыӵе интыын тон улысал?

Ну ты удивительный человек. А в каком месте бы ты проживала?

Катя: Кыӵе ке но Ижкар кадь пичи карын, отын одно ик театръёс, цирк, шутэтскон паркъёс мед луысалзы.

В каком-то маленьком, как Ижевск, городе, чтобы там обязательно были театры, цирк, парки отдыха.

Лади: Мон сямен, котькытын умой луысал, шедьтысал ке сюлэмлы кельшымон уж, бордад эшъёсыд ужасалзы ке, улысалыд ке чебер коркан кытын ке но шур дурын но сад пöлын, гужем нош шуныт каръёсы шутэтскыны ветлысал, озьы-а?

По-моему, везде бы было хорошо, если бы нашел работу по сердцу, если бы рядом работали друзья, если бы жил в каком-то красивом доме где-то около реки и среди деревьев, а летом ездил бы отдыхать в теплые края, не так ли?

Катя: Тон мынэсьтым малпанъёсме лыдӟиськод-а мар-а?

Ты что мои мысли читаешь?

Лади: Ма мон телепат ук!

Да я же телепат!

Онлайн-урок №12 состоится 2 мая, во вторник, в 18-30.

Вход на вебинар по ссылке

https://events.webinar.ru/1114185/415131

Библиотека

Лади: Ӟечбур!

Здравствуй!

Вика: Умой! Кыӵе ужъёсыд? Тон квартира басьтэмед шуо. Зэм-а?

Привет! Как дела? Говорят, ты купил новую квартиру. Правда?

Лади: Зэм. Басьтӥ но, выжи но ини. Таиз улонние кык висъето, азьлоез сярысь бадӟымгес.

Правда. И купил, и переехал уже. Эта квартира двухкомнатная, больше прежней.

Вика: Кытын али квартираед?

Где твоя нынешняя квартира?

Лади: Холмогорова урамын.

На улице Холмогорова.

Вика: Кудаз коркан?

В котором доме?

Лади: Вужаз. Выляз шунтӥськонзы умой öвöл лэсьтэмын. Отын одӥг висъетэн вал квартира. Дуныз но тросгес вал. Нош вужаз кык висъето улонние, дуныз но мыным тупамон.

В старом. В новом отопление не сделано хорошо. Там была однокомнатная квартира. И стоимость была выше. А в старом квартира двухкомнатная, и цена для меня приемлема.

Вика: Кытысь сыӵе квартира шедьтӥд?

Как нашел такую квартиру?

Лади: Тодмоосы ӵектӥзы.

Знакомые рекомендовали.

Вика: Кельше-а бен али квартираед? Азьлоез ужедлы матын вал, таиз кыдёкынгес луэм.

Нравится ли нынешняя квартира? Прежняя была близко к работе, эта стала подальше.

Лади: Туж кельше. Укноысен улосвыл туж чебер туспуктэм кадь адӟиське. Писпуос вожекто ке, эшшо но шулдыр луэ.

Очень нравится. Из окна видна панорама, как красивая фотография. Когда деревья становятся зелеными, еще уютнее становится.

Вика: Кыӵе этажын квартираед?

На каком этаже квартира?

Лади: Ньылетӥ этажын. Куное лыкты.

На четвертом этаже. Приходи в гости.

Вика: Одно ик. Ярам. Мон дорад ӵуказе вуо. Туннэ концертэ мынӥсько.

Обязательно. Хорошо. Я к тебе завтра приду. Сегодня иду на концерт.

Лади: Возьмало. Ӟеч лу!

Буду ждать. До свидания!

Вика: Ӟеч!

Пока!

Онлайн-урок №13 состоится 4 мая, в четверг, в 18-30.

Вход на вебинар по ссылке

https://events.webinar.ru/1114185/419379

Библиотека

Вика: Катя, кызьы удмурт сюан ортче?

Катя, как проходит удмуртская свадьба?

Катя: Вашкала дыре сюанын куинь нунал шулдыръясько вал. Али мукет сяменгес ортче ни сюан.

В прежние времена на свадьбе веселились три дня. А сейчас свадьба проходит уже несколько иначе.

Вика: Вашкалаез номыриз возиськемын öвöл ни?

А древнего уже ничего не осталось?

Катя: Куд-ог маскаръяськонъёс кылемын ик.

Некоторые забавы еще сохранились.

Вика: Уд мадьы-а?

Не расскажешь?

Катя: Сюанчиос вуэм бере ик ныл учкем каро. Бызись нылэз вато, нош со интые мукет адямиез дӥсяса потто. Со пуксьыны турттэ эмеспи борды, нош пияшлэн ӵыжы-выжыосыз уг лэзё. Серекъяло, кырӟало, собере нылашез потто ни.

После приезда поезжан проводят смотрины невесты. Невесту прячут, а вместо нее, нарядив, выводят другого человека. Он пытается сесть рядом с женихом, а родственники парня не разрешают. Смеются, поют, затем уже выводят девушку.

Вика: А эшшо мон кылӥ на, кенэз, пе, табань пыжыто. Со зэм-а?

А я еще слышала, что невеста печет табани. Это правда?

Катя: Зэм. Табань пыжыто пияш доры вуэм бере ни. Гурез эстыто али гинэ кышнояськемъёсты. Куноос нош соослы олокызьы но люкето. Муръёез ворсало но серекъяло: кенды табань пыжыны но уг быгаты шуыса.

Правда. Табани пекут после приезда к жениху. Растопить печь поручают только что поженившимся. А гости им мешают различными способами. Закрывают дымоход и смеются: невестка ваша и табани печь не умеет.

Вика: Нокин но уг юртты-а нылашлы?

И никто девушке не помогает?

Катя: Эшъёсыз юртто, кирос анаез. Малы тон мынэсьтым выжыятыса ик юаськиськод? Оло, удмурт гуртэ бызьыны малпад-а?

Подруги помогают, крестная. Почему ты у меня так подробно расспрашиваешь? Может быть, решила выйти замуж в удмуртскую деревню?

Вика: Уг яра шат?

Нельзя разве?

Катя: Мон шум гинэ пото.

Я буду только рада.

Онлайн-урок №14 состоится 10 мая, в среду, в 18-30.

Вход на вебинар по ссылке

https://events.webinar.ru/1114185/422023

Библиотека

Мартин: Удмурт кылын кинофильмъёс вань-а?

Есть ли кинофильмы на удмуртском языке?

Катя: Вань. Но мынам тодэмея, соос трос ик öвöл.

Есть. Но, насколько я знаю, их немного.

Мартин: А тынад учкылэмед вань-а соосты?

А ты их смотрела?

Катя: Куд-огзэ вань.

Некоторые смотрела.

Мартин: Мар сярысь со кинофильмъёс?

О чем эти кинофильмы?

Катя: «Алангасарлэн вужерыз» вашкалаосмылэн улэмзылы сӥземын вал. Сценарийзэ гожтӥз Ар-Серги, суредасез Валентин Белых вал. Нимысьтыз куалаос но пуктэмын вал. Собере «Италмас» киноез учкеме вань. Таиз гожтэмын М. Петровлэн поэмаезъя. Яратон сярысь.

«Тень Алангасара» посвящен жизни наших предков. Сценарий написал Ар-Серги, художник Валентин Белых. Даже специальные святилища были построены. Еще смотрела фильм «Италмас». Он поставлен по поэме М. Петрова. О любви.

Мартин: Туала улон сярысь кинофильмъёс дасяло-а?

Снимают ли фильмы о современной жизни?

Катя: «Узы-боры».

«Узы-боры».

Мартин: Мон кылылӥ вал со сярысь.

Я слышал о нем.

Катя: Со яратон сярысь комедия. Гондыргуртысь егит Максим нимо пияш синмаське шоркарысь кизилилы Ядыгарова Викториялы. Радио пыр кырӟанъёссэ кылзӥськыса, со мынэ уй клубе. Отын тодматскыны турттэ, но солы люкетэ чеберай кырӟасьлэн узыр бигер туганэз. Максимлэн Дыды сузэрез но дедушез сое утьыны выро: армиысь бертэм Митреен но мукет пияшъёсын ӵош соос Викалэсь продюсерзэ утчаны кошко. Кызьы но озьы йöно кизили но аспӧртэм Роберт Гондыргуртын луо. Отын соосты витё гурт улонлэн саламъёсыз...

Это комедия о любви. Молодой человек по имени Максим из Гондыргурта влюбляется в столичную звезду Ядыгарову Викторию. Услышав ее песни по радио, он идет в ночной клуб. Там пытается познакомиться, но деревенскому парню мешает татарин, богатый возлюбленный красавицы-певицы. Сестра Дыды и дедушка Максима пытаются ему помочь: вместе с вернувшимся из армии Дмитрием и другими юношами они едут искать продюсера Вики. Так статная звезда и своеобразный Роберт оказываются в Гондыргурте. Здесь их поджидают сюрпризы деревенской жизни…

Мартин:Кин дасяз фильмез?

Кто подготовил этот фильм?

Катя:Удмуртиысь но Польшаысь егитъёс. Рольёсты шудӥзы Москваысь театральной училищеысь удмуртъёс но Удмурт кун университетысь студентъёс. Сценарийзэ гожтӥз Дарали Лели, геройёслы дӥськут малпаз Полина Кубыста. Киноез дасян бордын ужаз Петер Палган, нош видеопленка вылэ гожтӥз Доминик Палган. Таос кыкназы ик поляк пияшъёс луо.

Молодежь из Удмуртии и Польши. Роли сыграли удмурты, обучающиеся в Московском театральном училище, и студенты Удмуртского государственного университета. Сценарий написала Дарали Лели, костюмы героев придумала Полина Кубыста. О подготовке фильма позаботился Петер Палган, а на видеопленку записал Доминик Палган. Оба они поляки.

Мартин: Тон учкид-а ини сое?

Ты его уже смотрела?

Катя: Бен. Сое апрель толэзе «Дружба» кинотеатрын возьматӥзы. Учкисьёс быдэс зал тыр люкаськизы. Кинотеатрын ужасьёс но паймизы кадь, тамында учкисьёс кемалась öй вал ни шуыса пусйизы. Собере Москваын но, Питерын но, шаерысьтымы пӧртэм ёросъёсын но возьматӥзы.

Да. Его показали в апреле в кинотеатре «Дружба». Зрителей собралось целый зал. Даже работники кинотеатра, кажется, удивились, отметили, что давно не было столько зрителей. Затем показали и в Москве, и в Питере, кроме того в некоторых районах нашей республики.

Мартин: Мынам но учкеме потэ. Ку сое выльысь возьматозы?

Я тоже хочу посмотреть. Когда снова покажут?

Катя: Уг тодӥськы. Малпасько, дискен вузалозы на, дыр.

Не знаю. Думаю, может, будут продавать на дисках.

Урок №15 состоится 13 мая, в субботу, в 18-30.

Вход на вебинар по ссылке

https://events.webinar.ru/1114185/428443

Библиотека

Коля: Кинъёс сцена вылын али кырӟало?

Вика: Тон соосты уд тодӥськы шат? Со Silentwoogoor группа. Удмурт инди-фолк-рок группа.

Коля: Ку та группа кылдӥз?

Вика: 2008-тӥ арын. Татысь пиос но нылъёс «Шундыкар» лагерьын пумиськиллям. Соку ик группа но кылдытыны малпаллям. Нырысетӥзэ сцена вылын ӵошен 2-тӥ коньывуонэ VYumshan фестивальын кырӟаллям. Со аре ик трос концертъёссы вылӥллям ни. Соос «Удмуртлэн нуналыз» нимо арт-форуме но «Кылдысинлэн сюрестӥз» нимо арт-шоуэ пыриськиллям.

Коля: Та группа Удмурт шаерын ортчись ужрадъёсы гинэ-а пыриське?

Вика: Уг. Соос пöртэм интыосын асьсэды возьматӥзы ни. 2009-тӥ арын Екатеринбургын ортчем фестивале пыриськиллям, собере 2010-тӥ арысен пӧртэм ужрадъёсы пырисько.

Коля: Группазылэн туж тунсыко нимзы. Кин сое малпам?

Вика: Пöртэм стильёсты огазеяло бере, нимазы пыртӥллям кык кылъёсты. Silent англы кылысь басьтэмын «шыпыт» шуэм луэ. Нош WooGoor со удмурт кыл: «вулэн гурез».

Коля: Кыӵе кырӟанъёс та группа кырӟа?

Вика: Удмурт калык кырӟанъёсы выль шöм пыӵатыса, кырӟан шоры выль учкон пöрмытэ.

Коля: Интернетысь кырӟанъёссэс шедьтыны луэ-а?

Вика: Бен. Ӝоген малпасько, соослэн кырӟанъёсын дисксы но вузаськонниосы потоз.

Коля: Одно ик басьто дисксэс. Мон соослэсь одӥг кырӟанзэс кылылӥ ни вал. Туж кельшиз.

Вика: Мыным но кельше.

Онлайн-урок №16 состоится 13 мая в 20-00.

Вход на вебинар по ссылке

https://events.webinar.ru/1114185/429979

Библиотека

Катя: Ӟечбур, Мартин!

Мартин: Ӟечбур!

К.: Кыӵе ужъёсыд?

М.: Умой. Кален мыно.

К.: Тон удмуртъёс кадь вераськиськод ни. Кытысь тон дышид сыӵе ӟеч удмурт сямен вераськыны?

М.: Дышетӥсьёсы умой вал.

К.: Кин тонэ дышетӥз?

М.: Франциын монэ Света Едыгарова дышетӥз. Тодӥськод-а сое?

К.: Тодӥсько. Со финн кылэз дышетыса, кунгож сьöры кошкиз. А кыӵе книгаен тӥ дышетскиды?

М.: «Марым лэся». Отын трос сыӵе кылгерӟетъёс, кудъёсыз удмуртъёслэн вераськоназы кутӥсько. Собере мон гужем курсъёсын вал.

К.: А мар тӥ кариды гужем курсъёсын?

М.: Кылэз дышетӥм, калык лулчеберетэн тодматским. Шутэтскон нуналъёсы гуртъёсы потам. Отын удмурт сямен вераськыны турттӥм.

К.: Мар карыны малпаськод, удмурт кылэз дышетыса?

М.: Мон али дышетскись. Уг тодӥськы на, мар мон ужало дышетсконме быдтыса. Но малпасько удмурт кыл дышетэме мултэс уз луы.

Библиотека

Катя: Ӟечбур, Коля!

Коля: Умой, Катя!

Катя: Кыӵе мылкыдыд?

Коля: Тау, туж умой. Арня куспын жадьытозям ужай вал, арнянуналэ телевизор учкыса но книга лыдӟыса шутэтски. Аслад кыӵе ужъёсыд, кытысь тон али вуиськод?

Катя: Ми эшъёсыным «Перепечкин» нимо удмурт кафеын вераськыса пуким.

Коля: Ма, Ижкарын удмурт кафе но вань шат?

Катя: Со алигес усьтӥськиз, Киров но Удмурт урамъёслэн сэрегазы.

Коля: Ой, туж тунсыко. Нош мар отын вань?

Катя: Нырысь ик, отын удмурт крезьгуръёс чузъясько, озьыен, удмурт кырӟанъёсты кылзыны луэ. Кыкетӥез, трос пумо удмурт сиён-юонэз веръяны луонлык вань.

Коля: Зэм-а? Перепечсы сяна табаньзы но вань, дыр?

Катя: Одно ик. Тужгес но мыным туннэ кельшиз šуко мильымзы.

Коля: Ой, Катя, эн ни вера сиён сярысь, сиеме потыны кутскиз. Ачим ик мыныса ческыт сиёнзэс веръяло ай.

Катя: Ладиез но öть. Солэн туж ветлэмез потэ вал.

Библиотека

Вика, Коля: Ӟечбуресь, Ольга Петровна!

Ольга Петровна: Ӟечбур, Вика, умой, Коля! Вика, мон тонэ утчасько вал. Ӧд вунэты-а, вуоно арняе дорамы мадьяр студентъёс лыкто ни шуыса?

Вика: Ой, зэм но. Ку пумитано?

Ольга Петровна: Соос лыкто пуксёнэ Москваысь поездэн. Кинэн пумитаны мыныны малпаськод?

Вика: Катяен Никита мыном на шуизы.

Коля: Нош малы-о соос лыкто?

Вика: Конференцие пыриськозы, удмурт гуртэ поталозы, удмурт лулчеберетэн тодматскозы.

Коля: Соос удмурт сямен верасько-а?

Ольга Петровна: Мынам тодэмея, кыкез умой верасько ини, нош кыкез нылашъёс али гинэ дышетыны кутско.

Вика: Коля, ми соослы вирнуналэ Ижкарез возьматомы. Милемын ӵош уд мыны-а?

Коля: Шумпотыса.

Ольга Петровна: Коля, тон Ижкарез умой тодӥськод ини, мае нырысь ик возьматысалыд куноосмылы?

Коля: Нырысь ик мон ветлысал куасэн нискыланы. Соослэн Венгриязы лымызы öвöл, пе, куасэн ветлэмзы но öвöл, дыр.

Вика: Туж умой малпан, Коля, но асьмеос куасэн арнянуналэ ветломы. Нош вирнуналэ пыдын ортчомы Ижкарысь чебер интыостӥ, тымет дуртӥ, нош ӝытазе театре мыномы. Вераським-а?

Коля: Вераським!

Библиотека

Коля: Вика, тон туннэ «Удмурт дунне» газетэз лыдӟид-а ни?

Вика: Ӧй. Ма отын тунсыкоез вань?

Коля: Тани. «Кизилиос верало. Ош: Кужымдэс жалятэк, кутскем уждэс йылпумъяны тыршиськоды. Арнялэн пумаз кузь сюрес вылэ потоды». Вика, тон милям ош ук, кытчы ке мыныны уд дасяськиськы-а?

Вика: Толон ик верай вал ук, арнянуналэ Кузонэ ӵыжы-выжыосмы доры мынӥськомы шуыса.

Коля: Озьыен, тупаз. Нош мон чорыгъёс. Мар верало чорыгъёс сярысь? Тани. «Улонады нокыӵе воштӥськонъёс уз луэ. Та арняе умой луоз киужен вырыны». Валамон, озьыен, мыным керттӥськыны но, пужыятӥськыны но кулэ, дыр?

Вика: Нош Лади гороскопъя кин луэ?

Коля: Со инвожолэн пумаз вордӥськемын. Озьыен, со кисло-кусло. Ма, сямыз но солэн кисло-куслолэн кадь ук: Лади ноку но уг вунэты янгышъёссэ, сюлэмшугъяськонъёсыз сярысь уг вера, пушказ возе, эшъёсызлы юрттыны котьку дась. Типичной кисло-кусло. Так, мар на гожтэмын татын Ладилы сярысь? «Та арняе тӥ ӵем пумиськылоды Скорпионэн. Арня пумын спорт сярысь эн вунэтэ».

Вика: Мон тодӥсько, кин сярысь отын гожтэмын. Катя скорпион ук. Та арняе Лади но Катя ӵошен кыӵе ке статья гожтом шуизы. Нош покчиарняе Лади университет командаен баскетболъя ӵошатсконэ мынэ. Учкы ай, ваньмыз шонер гожтэмын.

Коля: Ма, арня ортчиз ке, соку вераськом ай. Оло, янгыш луоз.

Библиотека