Донды-батырлэн юсьлы пöрмемез
О том, как Донды-батыр в лебедя превратился

Дондылэн улон интыез кык вылэм, шуо, - Дондыкар но Дондыгурт. Ог-огзылы куать иськем ёросын вылӥллям соос. Карлы матын гуртъёсын улӥсь удмуртъёс Дондылы я ужаса, я ваньбурен выт тырозы вылэм. Кляпгуртысь Дондыкаре нуись из сюрес али ке но адӟиське на. Со сюрестӥ, пе, кляпгуртъёс Дондылэн бусыосаз ужаны ветлӥллям.

Ачиз Донды вал вылын ветлыны яратоз вылэм. Солэн чырмыт пурысь валэз шур вамен, пе, тэтчыса гинэ потылэм. Нокыӵе выж но, пе, кулэ вылымтэ. Кема улэм Донды. Но аслаз эзеленыз кулымтэ. Эбга кенэзлэн музьыосыз сое вииллям, шуо. Лулыз потон вие Инмар сое тöдьы юсьлы пöрмытэм. Со тырысь Донды-Юсь сое буре ваись удмуртъёслы ӟеч лэсьтэ, ишанлэсь-уродлэсь возьма.

Дондылэн вань пиосыз пöлысь Идна сярысь гинэ вералляз калык. Эбга кенэз сярысь но мадьылӥзы. Нош Гуръя но Весья сярысь нокин но вераны уг ни тоды. Кызьы улэмзэс но, кулэмзэс но тодӥсь öвöл.

Рассказывают, что у Донды два поселения было - городище и деревня. И то и другое его именем называлось: Дондыкар и Дондыгурт. В шести верстах друг от друга они находились. Живущие в окрестных деревнях крестьяне подати Донды платили. Кто товарами, а кто и отрабатывал. Вымощенная от Кляпгурта до Дондыкара дорога до сих пор видна. По этой дороге, говорят, крестьяне из Кляпгурта на поля Донды работать ходили.

Сам Донды на конях разъезжать любил. Его бойкая сивая кобыла, говорят, реку одним махом преодолевала. Никаких мостов не нужно было.

Долго жил Донды. Да не своей смертью умер. Приближенные снохи Эбги его убили. Когда душа из Донды выходила, Инмар его в белого лебедя превратил. С тех пор Донды-Лебедь почитающих его удмуртов от бед и напастей охраняет.

Из всех сыновей Донды только об Идне и рассказывали старики. И о снохе Эбге говорили. А о Гурье и Весье никто ничего и не знает уже. Ни о жизни их, ни о том, как умерли, ничего не известно.

(Человек силен друзьями/Эшъёс-юлтошъёс/
Сост. Т.Г. Перевозчиковой, Ижевск, 1993: 35-37.)