Иднакар сярысь мадь
Сказание об Иднакаре

Иднакар сярысь мадемез тазьы кылэм вань. Пересь Донды кошкем бере, татчы Идна пиез кузё кылем. Иднакар музъемъёс Чупчилэн паллян палтӥз Селтакарен артэ вылӥллям. Ключевка волостьысь Верх-Парзи гуртысь одӥгез вырйыл али ке но Иднакар ӟезьы шуыса нимаське. Уйпалан нош музъемез Идна шур дорозь кыстӥське, шуо.

Кузё луыса но, Идна огшоры мурт кадь гинэ улэм, пичи куалан, одӥг кышноен. Нуналлы быдэ пойшураны ветлэм. Созэ гинэ вераны кулэ: толалтэ, пу куас интые, зарни куас вылэ султоз вылэм. Кема озьы улэм Идна. ӟучъёслэсь та пала вуэмзэс нырысь ик со тодэм-чаклам. Аслэсьтыз нимзэ вуоно ӵыжы-выжыосызлы тодазы вайытон понна, одӥг пол бадӟым пукыӵсэ золтэм но ньыль ньӧлъёссэ шунды ӝужан, шунды пуксён, уй пала но лымшор пала лэзем. «Ньӧл усем кеме нимы удмуртъёс пӧлын дауръёсын но медаз вуны, сиё-дано мед луоз» шуыса верам.

ӟучъёс та пала вуэм бере, эксэйлэн Идналэсь музъемъёссэ басьтэмез потэм. Но Идна озьы гинэ сётӥськымтэ. Котькуд ожмаськемез бере, со Иднакараз ватӥськыса улоз вылэм. Мукет каръёсыз но Идналэн вылэм на. Отчы со, сэзь валъёсыз вылэ пуксьыса, туж ӝог вуылэм. Валэз Идналэн куинь вылэм: тӧри, кулой но куӵо. Ог кыткемен со валъёс сиськытэк 200 иськемез но ортчыны быгато вылэм. Соин ик эксэйлэн сое озьы гинэ кутэмез луымтэ.

Одӥг пол тушмонъёс Идналэсь мыноно сюрессэ тодӥллям но шур вамен выжлэсь пыкет юбооссэ азьло ик вандыса дасяллям. Кышкытлыкез шӧдыса, тӧри валэз выж вылэ нокызьы но, пе, уг пыры. Кулой валэз но пырымтэ. Куӵо вал гинэ батырез выж вылэ вуттэм. Шораз вуэм-а, ӧвӧл-а – выжез куашкам. Валэныз валче усем Идна-батыр вуэ. Выйиз-а батыр, тушмон кие-а сюриз – соиз тодмо ӧвӧл. Пересьёс одӥгзэ верало: бырыкуз Идна-батыр «Куӵо вал – валтэмлэсь вал» шуыса, пе, кельтэм.

Пересьёс ик мадьылизы, Иднакарлэн, пе, шур пал дураз корт ӧсэз вань. Со арлы одӥг пол гинэ усьяське, музъем пушкысь ватосъёссэ адскытэ. Гурезь выжыын но, пе, со ватосъёс вань, карлы матысь шур кожын но выйтыса кельтэмын. Кемалась ини со ватосъёслэн шудо адямилэн кияз сётиськемзы потэ. Соин ик соос мукет интыысь мукетаз воштӥсько. Я вышкы луыса адӟисько, я мукет арбери. Одӥг пол валэн кошкись тӧдьы дӥсяськем адямиез но адӟиллям. Иднакар гурезьысь потыса, со Адам гуртлэн шайвылаз вуыса ышем. Но татчыозь со ватосъёсты нокин но ӧз на шедьты. Кылзэ, пе, тодыны кулэ, шуо.

Об Иднакаре вот что рассказывают. Когда старый Донды отсюда ушел, хозяином остался его сын Идна. Земли Иднакара слева от Чепцы граничили с селтакарскими землями. Один из холмов у деревни Верх-Парзи до сих пор «Иднакар-зезьы» - «иднакарскими воротами» называется. А на севере, говорят, земли его до речки Идны простирались.

Даже будучи хозяином, Идна жил как обычный человек, в маленькой куале, одна жена у него была. Каждый день, говоря, он на охоту ходил. Только вот что отмечали: зимой вместо деревянных лыж он на золотые лыжи вставал.

Долго так жил Идна. О том, что русские в эти края придут, он первым предугадал. Чтобы не забылось его имя потомками, взял он однажды свой большой лук и послал стрелы на четыре стороны света со словами заклятья: «да будет прославляемо-чтимо в веках мое имя среди удмуртов, живущих в местах, где стрелы мои упали».

Когда русские в эти края пришли, захотел царь отобрать земли Идны. Но Идна так просто не сдавался. После каждого сражения он скрывался на своем городище-каре. И другие кары еще были у Идны. Быстро он туда добирался на своих конях. А коней у Идны было три: гнедой, буланый и пегий. В упряжке они без остановок вмиг могли около 200 верст промчаться. Потому и не могли Идну никак поймать.

Однажды враги узнали, по какой дороге поедет Идна, и подрезали сваи моста через реку. Гнедой конь, опасность почуяв, встал как вкопанный. И буланый никак с места не сдвинется. Лишь пегий конь на мост взошел. Добрался он до середины или нет - мост под ним рухнул. Вместе с конем упал в воду Идна-батыр. Утонул ли богатырь, в руки ли врагов попал - этого никто не знает. Старики об одном рассказыват. Перед смертью, говорят, Идна-батыр, «Пегий конь - не конь» сказав, пегого коня проклял.

Старики же сказывали, что со стороны реки в Иднакаре железная дверь есть. Она раз в год открывается, сокровища раскрывает-выказывает. И у подножия горы, говорят, клады есть, и в омуте недалеко от городища утоплены. Давно уже эти клады людям в руки просятся. Потому и с одного места на другое перемещаются. То бочкой окажутся, то во что-нибудь другое превратятся. Однажды и человека во всем белом верхом на коне видели. Выехав из Иднакарской горы, он на кладбище деревни Адам исчез. Но до сих пор эти клады никто не нашел. Заклятье, говорят, знать надо.

(Человек силён друзьями/Эшъёс-юлтошъёс/
Сост. Т.Г. Перевозчиковой, Ижевск, 1993: 39-43.)