Мардан-батыр
Богатырь Мардан

Мардан-батырлэн гурезьын аслаз бадӟым карез вылэм, шуо. Коня дыр улӥз со та гурезьын но ку отын улӥз, со сярысь нокин уг тоды. Пересьёс но куд-огез гинэ тодо на.

Мардан-батыр, пе, татчы улыны Малмыж городысь лыктэм. Удмурт выжыысь вылэм со. Солэн выжыысьтыз потэм калыкъёс кызь ньыль гуртын уло али. Милям пересьёсмы сое бубы шуылозы вылэм.

Мардан-батырлэн бӧляказ ик мукет батырзы но вылэм – Бия. Та кык батыръёс куспазы маке но весь керетылӥзы, пе. Тужгес но возьёс понна нур-нор поттылозы вылэм. Мардан-батыр шаплыгес вал Бия-батырлэсь. Со Бияез но, Бия калыкез но эрекчалляз. Кызьы ке огпол Бияысь пиосмуртъёс сое быдтыны малпало вылэм, но со, гондыр кариськыса, ваньзэ кир-пазь уллям. Одӥг пол асэныз но Бия-батырен ваче ымныр вуиллям. Бия-батыр Мардан батырез виыны ӧдъя ни вылэм, нош соиз, тылобурдо кариськыса, турак! гинэ ӝутскем но лобӟыса кошкем.

Ог кӧня ке улыса, нош ик ӵош укшаллям таос. Мардан-батыр шуэм Бия-батырлы: «Малы асьмелы ог-огмес виыны кулэ? Вай, эсьмаса, ӵошатском: кин муӵез, пыдыныз ӵыжыса, Вало сьӧры поттӥз, со ик турнан возьёсын но кузёяськоз».

Бия-батыр таӵе ӵектонэн соглаш луэм.
Амаллы Мардан-батыр аслэсьтыз ӵыжоно мучсэ азьло ик вандыса дасям. Вало сьӧрын туж кыдёке тэтчыса кошкем мучез. Нош Бия-батырлэн ӵыжем муӵез шурлэн шор вадьсаз но вуымтэ, бульк! вуэ усем.

Тини озьы Вало шур тупалась вань турнан возьёсты Мардан ас киулаз басьтэм.
Мардан-батыр аслаз эзеленыз ӧз кулы. Поръёс сое быдтӥзы. Куке но соосын тэронтэм калэ вуэм вылэм.

Поръёс сое кемалась быдтыны вераськиллям вылэм ини. Нош со ялан яратоно палашеныз сюрес вылэ поталляз. Соин ик нокин но вормыны ӧз быгатылы.

Мардан-батыр куать сюдос вал вордылӥз – куать уж вал. Валъёсыз туж визмоесь вылӥллям, котьку соос ас кузёзэс утьылӥзы. Урод выж вылэ ноку но уз пыре вылэм.

Куӵо вал но полазы сюдэм-вордэм Мардан-батыр. Со куӵо вал ик быдтэм сое. Кытчы ке но ужен мыныкуз, Мардан-батыр кучо валзэ кыткем. Бултыр кышноез уробояз палашсэ поныны вунэтэм. Марданлэн мыноно сюресысьтыз поръёс выж юбоосты кораса дасяллям. Уретымон корамын ӧвӧл вылэм. Куӵо валэз выж азе дугдымтэ но, Мардан-батыр валэныз валче выж улэ усем. Соку, пе, Мардан-батыр зол кеськыса верам:
- Куӵо вал валтэмлэсь гинэ вал, бултыр кышно кышнотэмлэсь гинэ кышно!
Озьы бырем Мардан-батыр.

Удмуртъёс сое кема буре вайса улӥзы, кема бубы нималлязы. Кулэм бераз солэн нимыныз восяськон кылдытӥзы. Куинь ар улыса, вал но скал виро ӵектылӥзы солы.

Мардан-батыр, говорят, в своем городище на высокой горе жил. Когда он там жил и сколько прожил, никто об этом не знает. Из стариков и то лишь немногие о нем рассказать могут.

Мардан-батыр, дескать, пришел в наши края из Малмыжа. Из удмуртов он был, говорят. Выходцы из его роды сейчас в двадцати четырех деревнях живут. Наши старики его отцом называли.

В роду Мардан-батыра был другой батыр - Бия. Всегда, говорят, у них миру не хватало. Особенно часто из-за покосных лугов ссоры возникали. Мардан-батыр побойчее Бии был. Он и Бию, и его народ вокруг пальца обводил. Как-то собрались мужчины из рода Бия и решили Мардана убить, но он, говорят, в медведя превратился и всех разогнал. Один раз с самим Бией носом к носу столкнулся. Бия-батыр, оказывается, уже хотел убить Мардана, но тот, птицей обернувшись, вспорхнул - и был таков.

Вскоре опять они лицом к лицу оказались. Сказал тогда Мардан-батыр Бие-батыру: «Зачем нам убивать друг друга? Давай лучше в ловкости посостязаемся: кто кочку через Валу перепнет, тот и покосными лугами владеть будет».

Согласился с ним Бия. Хитрый Мардан-батыр свою кочку еще до встречи подрезал. Далеко за речку улетела кочка. А кочка Бии-батыра и до середины валы не долетела, бульк! в воде очутилась. Так и остались покосные луга вдоль Валы за Марданом.

Не своей смертью умер Мардан-батыр. Поры его извели. Издавна они с ним враждовали. Да не могли никак Мардана убить: всегда с ним был его любимый палаш. Никто батыра осилить не мог.

Было у Мардана шесть жеребцов. Умные были кони, всегда своего хозяина спасали. На плохой мост никогда не въезжали - останавливались.

Был у Мардан-батыра и пегий конь. Из-за него и погиб богатырь. Как-то раз, отправляясь по делам, запряг он пегого. Да ещё и жена-бултыр подвела, забыла ему в телегу палаш положить. На дороге, по которой Мардан-батыр должен был проехать, поры сваи моста подрубили. Да так ловко, что никто не заметил. Пегий конь опасности не почуял, не остановился перед мостом. Вместе с ним провалился Мардан-батыр. Тогда, говорят, он воскликнул: «Пегий конь - не конь, жена-бултыр - не жена». Так погиб Мардан-батыр.

Удмурты долго о нем помнили, отцом называли. Моления в честь него устраивали. Через каждые три года в жертву коня и корову приносили.

(Человек силен друзьями/Эшъёс-юлтошъёс/
Сост. Т.Г. Перевозчиковой, Ижевск, 1993: 54-57.)